John van den Groenendal
Juni 2023
Waem bös doe?
Ich bön John van den Groenendal, 66 jaor, 42 jaor getrouwd mit Lia en greutse pap van Flor en Sil.
Ich höb 43 jaor in ’t óngerwies gewèrk en bön inkele jaore geleje mit vervreug pensioen gegaon, ein besjlissing wo ich gein sekonde sjpiet van höb gehad!
Wo kinne v’r dich van?
Wo neet van dörf ich waal te zegke…
Bie DES heel lang gefoetbald en (jeug)trainer gewaes en jaore besjtuurslid.
Bienao 20 jaor geleje ’t zjwumbad aope gehaje door mit anger vriewilligers ein sjtichting op te richte. De eerste jaore waas ich veurzitter.
Prins John I in 1988 (de Hopsjlokkers).
Elf jaor Vors Hoppius V gewaes.
Veur de nuuj partie 'Demokrate Zjwame' in de gemeinteraod gezaete.
Veurzitter gewaes van Veilig Verkeer Nederland, aafdeiling Zjwame/Remunj.
Lid van de Fietserbond.
Lid Kèrkbesjtuur gewaes van de Lambertusparochie.
Taalcoach Bibliotheek Remunj en Gilde Samenspraak.
Kletsmaatje.
Nog meer..?!
Worom de Dörpsraod?
Ich bön biej de Dörpsraod gekômme omdet ich nao mien pensionering op zeuk bön gegaon nao ein nuuje oetdaging wo ich entoesjas van waer en moog samewèrke mit miense die mich ligke.
Es Zjwamer jóng in hert en nere is de Dörpsraod ’t ideale platform om Zjwame es dörp oppe kaart te haje noe veur door Remunj zin gekonfiskeerd.
De Dörpsraod kèn ein sjtök zelfsjtenjigheid borge door d’r biej de gemeinte veur te zorge det veurzieninge in sjtand waere gehaje of meugelik waere gemaak en door inbring/ideeje van inwoners te verzilvere. Alles om de laefbaarheid in Zjwame op ein hoog nivo te haje en daomit te veurkómme det v'r aan de lèste mem hange!
Om dit same mit vriewilligers te doon en ’t neudige te bereike, dao in zeen ich ein oetdaging veur de kómmende jaore.
Waar duis se es se vriej höbs?
Ich fiets, ich zjwum, ich laes en sjrief gaer, gaon regelmaotig nao ’t theater en haaj van ein ’natje en droogje’ biej de horeca in en rondj Zjwame.
